Par devant le Roi trespassèrent,

Es cambres la Roine entrèrent.

Quant el les voit, sis apela,

Mut les chéri è honera,

Entur ses bras prist Graelent

Si l'acola estreitement :

De joste li séir le fist

Sor un tapi, puis si li dist:

Mut boinement a esgardé

Sun cors, sun vis , è sa biauté;

A lui parla curteisement,

E il li respunt sinplement,

Ne li dist rien qui bien ne sièce.

La Roine pensa grant pièce,

Merveille est s'ele ne li prie

Que il 1 amast par druerie:

L'amurs dé lui la fait Tiàrdie

Demande-lui s'il a Amie,

Ne se d'amurs est arestés,

Car il deveit bien estre amés.

Dame, dist-il, jeo n'aime pas,

D'amurs tenir n'est mie gas;

Cil deit estre de mut grant pris

Qui s'entremet qu'il seit amis:

Tel cinc cent parolent d'amur,

N'en sevent pas le pior tur,

Ne que est loiax druerie.

Ains lor rage è lor folie,

Perece, wiseuse è faintise

Enpire amor en mainte guise
Ainors demande caasté,

En fais, en dis è en pensé:

, Se l'uns des amans est loiax,

E 1i autre est jalox è faus,

Si est amors entr'ex fausée,

Ne puet avoir lunge durée.

Amors n'a soing de compagnun,

Boin amors n'est se de Dex nun,

De cors en cors, de cuer en cuer,

Autrement n'est prex à nul fuer

Tulles qui parla d'amistié,

Dist assés bien en son ditié,

Que veut amis, ce veut l'amie

Dunt est boine la compaignie,

S'ele le veut è il lotreit.

Dunt la druerie est à dreit,

Puisque li uns l'autre desdit,

Wi a d amors fors c un despit;

Assés puet-um amors trover,

Mais sens estuet al' bien garder,

Douçour è francise, è mesure.

Amors n'a de grant forfait cure,

Loialté tenir è pramettre,

Pur cou ne m'en os entremette.

La Roine oi parler Graelent,

Qui tant parla curteisement,

S'ele n eust talent d'amer,

Si l'en estéut-il parler

Bien set è voit, n'en dute mie

Qu'en lui a sens è curteisie.

A lui parla tut en apert,

Sun cuer li a tut descuvert;

Amis, dist-ele, Graelent,

Jeo vus aim mut parfitement ,

Unques n'amai fors mun Seignur,

Mais jeo vus aim de bune amur.

Jeo vus otroi ma druerie,

Soies amis è jou amie.
Dame , dist-il, vostre merci,

Mais il peut pas estre en si,

Car jeo sui saudoiers le Roi,

Loiauté li pramis è foi,

E de sa vie è de s'anor,

Quant à lui remés l'autre jor

Jà par moi hunte ni ara:

Lunt prist cungié , si s'en ala.

La Roïne l'en vit aler,

Si cummença à suspirer,
Dolante est mult, ne sait que faire,

Ne s'en voleit par tant retraire;

Suventes feiz le requereit,

Ses mésages li trameteit,

Riches présens li envoieit,

E il trestus les refuseit.

La Roïne mult l'en haï

Quant ele à lui del' tut failli,

A sun Seignur mal le meteit,

E volentiers en mesdiseit.

Tant cum li Rois maintint la guerre,

Remest Graelent en la terre;

Tant despendi qu'il n'ot que prendre,

Car li Rois le faiseit atendre,

Ki li deteneit ses saudées.

Ne l'en aveit nules dunnées,

La Roïne li desturneit,

Au Roi diseit è cunseilleit

Ke nule rien ne li donast

Fors le cunroi qu'il n'en alast:

Car jeo sui saudoiers le Roi,

Loiauté li pramis è foi,

E de sa vie è de s'anor, ,

Jà par moi hunte ni ara:

Lunt prist cungié , si s'en ala.

La Roïne l'en vit aler,

Si cummença à suspirer,

Dolante est mult, ne sait que faire,

Ne s'en voleit par tant retraire;

Suventes feiz le requereit,

Ses mésages li trameteit,

Riches présens li envoieit,

E il trestus les refuseit.

La Roïne mult l'en haï

Quant ele à lui del' tut failli,

A sun Seignur mal le meteit,

E volentiers en mesdiseit.

Tant cum li Rois maintint la guerre,

Remest Graelent en la terre;

Tant despendi qu'il n'ot que prendre,

Car li Rois le faiseit atendre,

Ki li deteneit ses saudées.

Ne l'en aveit nules dunnées ,

La Roïne li desturneit,

Au Roi diseit è cunseilleit

Ke nule rien ne li donast

Fors le cunroi qu'il n'en alast:
Povre le tenist enture lui,

Qu’il ne péust servir autrui.
Que fer  a ore Graelens ?
N’est merveille s’il est dolens ;

Ne lui remest que engagier,
Fors un runcin n’est gaires chier :
Il ne puet de la vile aller
car il n’aveit sor quoi munter.
Graelens n’atend nul secours ;
Ce fu en mai des luns jurs,
Ses Hostes fu matin levéq,
Od sa femme est burc alés
Chiés un de ses veisins mengier.
Tut seul laiça le Chevalier,
Od li n’en eut en la maisun
Escuier, sergeant, ne garçun,
Fors seul la File à la Burgeise,
Une Mescine mult couteise.
Quand vint à l’eure du disner,

Au Chevalier ala parler,
Multli pria qu’il se hastast,

E qu’il ensanble od li mangast.

Il ne puet pa rehaitier,

Si apela sun escuiier,
Dist k’amaint sun cacéor,
Sa sele mete et tot l’ator ;

L’escarnirent mult é gabérent :
Tex est custume de burgeis,
N’en verrés gaires de curtéis.
Il ne se prent de ce regart,

Fors de la vile aveit un gart,
Une forest grant é plénière,
Parmi cureit une rivière :

Cele part ala Graelent,
Très pensix, mornes é dolent.
n’eut gaires par le bos erré,
En un boisson espés ramé
Voit une Bisse tute Blance
Plus que n’est nois nule sor brance :
Devant lui la Bisse sailli,
Il la hua, si puinst à li.
Il ne la cunsivra jamés,
Purquant si la suit-il de prés,
Tant qu’en une lande l’en mène,
Devers le sors d’une fontaine,
Dunt l’iave esteit clère é bele.
Dedens baigneit une Pucele,
Dex Dameisels la serveient :
Sor l’eur de la fontaine esteient.
li drap dunt ele ert despoulie,
Erent dedens une foillie.
Graelens a celi vélue
Qui en la fontaine esteit nue.
De la Bisse n(eut-il puis cure,
Cele part va grant aléure.

Tant la vit graisle é escanie,
blanche é gente é colorie ;

Les ex rians é bel frunt,

   Il n’a si bele en tut le mun :
ne la veut en l’iave tuchier,
Par loisir la laisse baignier.
Sa depoulle est alés saisir,
Par tant le cuide retenir

Ses demeiseles s’aperçurent

Lor dame l’a araisuné,
Par mautalent l’a apelé :

Graelent, lai mes dras ester,
Ne t’en pués gaires amender,
Si tuod toi les emporteies,

E ensi nue me laisseies  

Trop sanleroit grant cunveitise.

Rent moi se viax nun ma cbemise,

Li mantiax puet bien estre tuens,

Denier en prens , car il est buens.

Graelent respunt en riant,

Ne sui pas fix à marchéant,

N'a Borgois pur vendre mantiax:

S'il valoit ore trois castiax,

Si n'enporteroie-jeo mie:

Isciés de cele iave, Amie,

Prenés vos dras , si vus vestés

Ançois que vus à mei parlés.

Je n'en voil pas, dist-ele, iscir,

Que de mei vus puisiés saisir;

N'ai cure de rostre parole,

Ne sui nient de vostre escole.

Il li respunt, je sofferai,

Vostre despoulle garderai,

Desque vus isterés ça fors:

Bele , mut avés gent le cors.

Qant ele voit qu'il veut atendre,

E que ses dras ne li veut rendre;

Séurté demande de lui

K'il ne li face nul anui.

Graelent l'a aséuré;

Sa chemise li a dunée:

Cele s'en ist de maintenant,

Il li tint le mantel devant,

Puis l’afula é si li rent.

Par  la main senestre la prent,
Des autres dex l’a eslungié ;
D’amors l’a requise é proiié
E que delui face son dru.
E ele li a respundu :
Ge ! tu quiesrs grant utrage,
Ge ne te tieng noient pur sage,
Durement me doi merveiller,

Que m’oses de çou araisnier.
Tu ne dois estre si hardis,
T’en sereis tost malbaillis ;

Jà n’afiert pas à tun parage
Nule femme de mun lingnage.

A fet de li ce que li plest.
Qant il en ot fet sun talent,

Merci li prie dolcement
Que vers lui ne soit trop irée,
Mais or soit et france et sénée,

 Si li otroie sa druerie,

E il fera de li s’Amie ;
Loialment é bien l’amera,

Jamés de li ne partira.

La Dameisele ot è entent

La parole de Graelent,

E voit qu'il est curteis è sage,

Buns Chevaliers è prox è large,

E set se il départ de li,

Jamais n'aura si boin Ami,

S'amur li a bien otreié;

E il l'a ducement baisié.

A lui parole en itel guise:
 Graelent, vus m'avés souprise,

Jeo vus amerai vraiement,

Mais une chose vus deffent,

Que ne dires parole aperte,

Dunt notre amurs seit descuverte.

Jeo vus dunrai mult richement

Deniers è dras, or è argent,

Mult ert l'amurs bone entre nus,

Nuit è jur g'irai aveuc vus;

Dalés vus me verés aler,

A mei purrés rire et parler,

N'aurés cunpaignun qui me voie,

Ne qui jà sace qui je soie.

Graelent, vos estes loiaus

Prox è curtois et assés biax:

Pur vus ving-jou à la fontaine,

Pur vus souferai-jou grant paine;

Bien savoie ceste aventure,

Mais or soiiés de grant mesure.

Gardés que pas ne vus vantés
De chose par qoi me perdés ;
Un an vus cunvenra, Amis,
Séjorner près de est païs :
Errer poés dex mois entiers,
Mais ça seit vostre repairiers,
Pur çou que j’aim ceste cuntrée.
Alés vus ent, none est sonée,

Mun mesage vus tramettrai,

Graelent prent à li cungié,

Ele l’acole et a baisié.
Il est à sun ostel venus, 

De sun cheval est decendus.
En une chambre seus entra,

A la fenestre s’apoia,

De s’aventure mut pensis.

Vers le bos a turné sun vis,

Un varlet vit venir errant

Desor un palefroi anblant ;

Desi à l’ostel Graelent

En est venus q’ainc ne descent.
Au Chevalier en est venus,

E il est contre lui salus ;

Demande li dunt il veneit :

Cum aveit nun é qui esteit.
Sire, dist-il ne dutez mie,

Jeo suis mésagés vostre Amie,

Cest destrier par mei vus enveie,

Ensanble od vus veut que jeo seie :

Vos gages vus aquiterai,

De vostre Hostel garde prendrai.

Qant Graelent ot la novele,

Qui mult  li sanble boine é bele ;

Le Vallet baise boinement,

E puis ad reçut le présent,

Le destrier sos ciel n’a si bel,

Ne minus corant, ne plus isnel ;
En l’establepur sei le met,
E le cacéor au Varlet.

Cil a sa male destorsée,
        En la canbre l’en a portée,

Puis l’a uverte é deffremée

Une grant coute en a getée :

D’un riche paile ovrée fu

D’autre part d’un riche boufu,
Met  le sor le lit Graelent ;
Après mer sus or é argent,
Buins dras à sun Segnur vestir,

Après fait su oste venir,
Deniers li baille ad grant plenté,

Si li a dit è cumandé h

Que ses Sires ert aquités,

E ses hostez bien acnntés:

Gart qu’asses i ait a mangier,

E s’en la vile a Chevalier

Qui séjorner voille tut coi,

Q'il l'en amaint ensanle od soi.

Li Hostes fu prex è curteis,

E mult vaillant cumme Burgeis:

Les Chevaliers mesaaisiés,

E les prisuns é les croisiés;

A l'ostel Graelent les maine,

Del' honerer forment se paine,

Assés i eut joué la nuit

D'estrumens è d'autre déduit.

Le jur fu Graelent haitiés,

E ricement apareilliés.

Grans duns duna as harpéors

As prisuns è as guoors;
N'aveit berguis en la cité

Qui li éust aveir presté,

Qui ne li doinst è face honur,

Tant qu'il le tienent à Seignur.

Desor est Graelent à aise,

Ne voit més rien qui li déplaise;

S'Amie voit lés lui aler,

A li se puet rire et juer.

La nuit le sent de juste lui,

Cument puet-il aveir anui ?
Graelent oire mult suvent;

El pais n'a turneiement,

Dunt il ne seit tus li premiers,

Mut est amés des Chevaliers.

Or a Graelent boine vie

E mult grant joie de s'Amie;

Se ce li puet lunges durer,

Jà ne devreit-el demander.
Ensi fu bien un an entier,

Tant que li Reis dut ostoier.

A Pentecuste chascun an

Semouneit ses Baruns par ban,

Tus cex qui de lui bien teneient,

E à sa Cort od lui mangeient:

Serveient le par grant amut.

Quant mengié aveient le jur,

La Roïne faiseit munter

Sor un haut banc è deffubler,

Puis demandeit à tus ensanble,

Segnur Barun , que vus ensanble ?

A sous ciel plus bele Roïne?

Pucele , Dame ne Mescine;

A tox le Conveneit loer,

É au Roi dire et afremer

K'il ne sevent nule si bele

Mescine, Dame ne Pucele:

N'i ot un seul ne le prisast,

E sa biaté ne li loast,

Fors Graelent qui s'en taiseit,

A sei méisme surieit :
En sun cuer penseit à s'Amie,
Des autres teneit à folie

Ki de tutes parts s'escrioient

E la Roïne si looient :

Sun cief ouvri, sun vis baissa
E la Roïne l'esgarda,

Le Roi le mustra sun Seignur,

Voiés, Sire, quès deshonur!

N'avez Barun ne m'ait loée,

Fors. Graelent qui m'a gabée.
Bien sai qu'il m'a piéça haïe,

Jeo cuit qu'il a de moi envie.

Li Rois apela Graelent,

Demanda li, oïant la gent,

Par la foi que il li deveit,

Qui ses naturex hum esteit

Ne li celast, ains le désist

Pur-qoi baisa sun cief et rist.

Graelens respundi au Rei,

Sire, dit-il, entent à mei:

Uques mais hum de tun parage
Ne fist tel fait ne tel folage ;
De ta femme fais mustrisun,
Qu’il n’a çaient un seul Barun,
Cui tu ne le faces loer,
Dient qu’il n’a sous ciel sa per :
Pur veir vus une nuvele,
On pue tassés truver plus bele.
li Reis l’oï, mult l’en pesa ;
Per sairement le cunjura

S’il en saveit nul plus gente ;
Oil, dist-il, qui vaut tés trente.

La Roïne must s’en mari,
A sun Segnur cria merci,
K’au Chevalier  face amener
Celi qu’il i oï loer,
E dunt i fait si grant vantance :
Entre-nos dex seit la mustrance ;
S’ele est si bele, quite en seit,

U se nén, fétes m’en dreit

En une chanbre s'est sul mis,

A s’Amie crie merci,

Por Diu qu il puist parler a li,
Ne li vaut rien , ni parlera,
Devant un an ne le verra,

Ne jà n'aura de li confort

Ains ert jugiés près de le mort.

Graelens maine grant dolur ,

Il n'a repos ne nuit ne jur,

Qant s’Amie ne puet aveir.

Sa vie met en noncaleir,

Q'ançois que li ans fust passés,

Fu Graelens si aduilés,
Que il n'a force ne vertu
Ce dient cil qui l'unt véu
Merveille est qu'il a tant duré.

Al jur que li Rois ot numé,
Ke sa feste deveit tenir,

Li Keis a fait grant gent venir.